1984ko azaroaren 5ean kokatzen da Argia Ikastolaren sorrera; data horretan, 5 ikasleko talde bat euskarazko hezkuntza jasotzen hasi zen guraso talde baten ekimenarengatik eta guraso horiek horretan tematu zirelako; zonaldean aitzindaria zen hezkuntza proiektua hasteko ikuspegia izan zuten: euskalduna eta kooperatiba izaerakoa. Lehen urte haietan peña bateko instalazioak erabili ziren klaseak emateko. Ondoren, etxebizitza txiki bat prestatu zen behe solairu batean, jolastokiarekin, eta, azkenik, behitegi bat zena erabili zen.
